Dasht E Wafa Me Na Chala

 Koi Es Dasht-E-Wafa Me Na Chala Mere Baad.

Zarray Zarray Pe Mera Naqsh Raha Mere Baad.

 

Phir Na Paband-E-Wafa Ho Ga Koi Mujh Jaisa.

Rakhe Reh Jaen Gy Adaab-E-Wafa Mere Baad.

 

Main Ne Tu Zehr Bhary Jaam Muhabat Me Piye.

Dekhiye! Kis Ko Sharf Ho Ye Ataa Mere Baad.

 

Jeety Jee Qadr Bashar Ki Nahi Hoti Pyaary,

Yad Aye Gi Tujhe Meri Wafa Mere Baad.

 

Rah Sunsaan, Makaan Khasta, Makeen Afsurda.

Kitna Weeraan Hua Shehr-E-Wafa Mere Baad.

 

Rahe Gi shamma-E-Wafa Ta'ba Qayamat Roshan.

Bujh Na Paaye Gi Kabi Es Ki Ziya Mere Baad.

 

Main Hi Ek Waaqif-E Adaab-E-Muhabat Hun Z+.

Mil K Dhoonden Gy Mujhe Ehl-E-Wafa Mere Baad.